كتاب شفرة روميو وجولييت هشام الجمل PDF

كتاب شفرة روميو وجولييت هشام الجمل PDF ، تحميل مباشر من موقع المكتبة نت أكبر مكتبة كتب PDF ، تحميل وتنزيل مباشر وقراءة أونلاين كتب الكترونية PDF مجانية .

كتب كتير اتكلمت عن الرجالة والستات.. دكاترة علم نفس وأخصائيي علاقات زوجية شرحولنا الاختلافات السلوكية بين الجنسين.. لكن ما حدش قال لنا هي الاختلافات دي جت منين وموجودة ليه؟ ليه الرجالة عينيهم زايغه مثلا؟ ليه الستات ما بينسوش حاجة أبدًا؟ ليه الجنسين بينجذبوا لبعض بس ما بيفهموش بعض؟
الكتاب ده بيقدم تفسيرات منطقية وعلمية لكل الاختلافات اللي بنستغربها في بعض، وبيجاوب على الأسئلة اللي بتدور في ذهننا عن الموضوع ده بشكل عميق وبسيط في نفس الوقت.. كتاب حايغير نظرتك للجنس الآخر.

للأسف الشدید.. على آخر الفصل ده سارة حتطلب الطلاق!
بعد ست سنین جواز.. الحیاة بین كریم وسارة بقت شبه مستحیلة.. ما حدش عارف الأمور وصلت
لكده إزاي؟ لا كریم كان مستوعب الموضوع، ولا سارة نفسها كانت مصدقة إنها بتطلب الطلب ده. معظم
حالات الطلاق بتحصل بین السنة الرابعة والسابعة من بدایة الجواز، وفي حالات كتیر الست هي اللي
بتطلب الطلاق. ده مش معناه إن الخروج من العلاقة أسهل على الست.. العكس هو الصحیح.. طلب
الست للطلاق في حالات كتیر بیكون صرخة استغاثة.. جرس إنذار.. رسالة للطرف التاني إن فیه حاجة
لازم تتغیر وإن الوضع صعب یستمر بالشكل ده.. السؤال هو إزاي الأمور ممكن تتدهور للدرجة اللي
تخلي طرف یبقى عایز ینهي العلاقة؟
أحیانا الطلاق بیكون لسبب واضح للكل.. خیانة زوجیة.. أسباب اقتصادیة.. تطاول.. عدم تلبیة
احتیاجات.. إلخ.. بس مش ده اللي حصل مع كریم وسارة.. حالات طلاق كتیر بتحصل لأسباب تراكمیة
ومش محددة قوي زي الأسباب اللي ذكرتها فوق. معظم الحالات دي بتكون نتیجة لحاجة من اتنین.. إما
إن الطرفین بیبعدوا عن بعض من غیر ما یحسوا.. أو إن طرف بیبعد عن نفسه من غیر ما یحس..
النقطة التانیة دي حتبقى موضوع الفصل الجاي.. بس دلوقت خلینا في النقطة الأولانیة واللي حنسمیها
»التباعد التدریجي غیر المتّعمد بین الطرفین«.
التباعد التدریجي
التباعد التدریجي غیر المتّعمد ده بیكون نتیجة لحاجات كتیر بتحصل بین الراجل والست كل یوم،
وبتزقهم بعید عن بعض مسافة صغیرة وغیر محسوسة.. سنتیمتر أو أقل. ممكن الحاجات دي تكون مش
مهمة في حد ذاتها وما تأثرش قوي أو ما تعملش فرق كبیر.. بس بمرور الوقت وتراكم الحاجات
المسافة دي بتوسع.. وسنتیمتر من هنا على سنتیمتر من هناك، وسنة بعد سنة المسافة دي بتبقى
كیلومترات.
بس لأن بحر الحیاة بیاخدنا وبیخلینا نجري شمال ویمین وإحنا بنحاول نتعایش مع الضغوط
والمتغیرات والمسؤولیات اللي علینا،
ما بناخدش بالنا من التغییر ده.. ویفضل التباعد یحصل ورا الستارة.. لحد ما في یوم من الأیام طرف من
الطرفین یفوق على الواقع الجدید.. ویاخد باله لأول مرة إن المسافة اللي بینه وبین شریك حیاته بقت
بعیدة قوي.. وساعتها شبح الانفصال أو الطلاق بیظهر، ونهایة العلاقة بتبقى احتمال وارد.. وهو ده
اللي حصل مع كریم وسارة

قراءة أونلاين كتاب شفرة روميو وجولييت هشام الجمل PDF